افغانستان بۉییچه چین مخصوص وکیلی یو شیایونگ، طالبان تشقی ایشلر وزیری امیرخان متقی بیلن اوچرهشیب، پاکستان و طالبان اۉرتهسیدهگی کېسکینلیکلر حقیده صحبتلشگن.
طالبان تشقی ایشلر وزیرلیگی بوگون یکشنبه، ۱۷ – حوت نشر قیلگن بیاناتیده ایتیشیچه، بو گروهنینگ تشقی ایشلر وزیری پاکستان بیلن تۉقنهشوولر حل اېتیلیشی اوچون سۉزلشووگه تیار اېکنینی اعلام قیلگن.
عین حالده، چین وکیلی بو مملکت پاکستان وکیللری بیلن هم ملاقات اۉتکزیب، بو کېسکینلیکلر یکونلنیشی آرتیدن اېکنینی بیلدیرگن.
شونینگدېک چین مخصوص وکیلی، طالبان و پاکستان اۉرتهسیدهگی تۉقنهشوولر منطقه اوچون سلبی تاثیر کۉرسهتیشینی هم تیلگه آلگن.
ایتیش کېرهک که بوندن بیر نېچه کون ایلگری، کابلده چین اېلچیسی هم طالبان تشقی ایشلر وزیری بیلن اوچرهشیب، طالبان و پاکستان تارتیشوولری یکونلنیشینی طلب قیلگن اېدی.
