امریکا قۉشمه ایالتلرینینگ بیر قنچه رسمیلری ینه بیربار، طالباندن بو مملکت وطنداشلرینی قماقدن آزاد اېتیشلرینی طلب قیلیب. امریکالیکلر آزاد قیلینمهگن تقدیرده، بو گروه بیلن جدّی یاندهشیلیشینی بیلدیرگن.
امریکا تشقی ایشلر وزیری مارکو روبیو، طالبان ترورچیلیک یۉللریدن سیاسی امتیازلرنی قۉلگه کېریتیش اوچون فایدهلهنیشینی بیلدیریب، شو سبب بو حاکمیت امریکا وطنداشلرینی قماقده سقلب کېلهیاتگنینی معلوم قیلدی.
عین حالده، امریکا سنا مجلسینینگ تشقی علاقهلر کمیتهسینینگ باشلیغی جیم ریش هم بو خصوصده مناسبت بیلدیریب، طالبان بو حرکتلری سبب جوابگرلیککه تارتیلیشی کېرهک دېب اورغولهگن.
شو بیلن بیرگه، امریکا جمهور باشلیغینینگ اسیرلر بۉییچه مخصوص وکیلی آدم بویلر هم طالباننی بو خصوصده آگاهلنتیرگن.
آدم بویلر، طالبانگه امریکا وطنداشلرینی آزاد قیلمهگن تقدیرده، ونزویلا جمهور باشلیغی و ایران رسمیلری باشیگه کېلگن بلا اولرگه هم کېلهدی دېب آگاهلنتیرگن.
ایتیش کېرهک که طالبان، امریکا وطنداشلری بۉلمیش محمودشاه حبیبی و دنیس کویلنینگ قماقده سقلب کېلماقده دیر.
