پاکستان عامهوي اخبارات واسطهلرینینگ خبر بېریشیچه، مملکتدهگی اوچ کیشیلیک دیني عالِملر گروهی طالبان بیلن مذاکره قیلیش مقصدیده کابلگه سفر قیلگن.
خراسان داییری بوگون (سهشنبه، ۱۹حوت) کابلدهگی منبعگه تهیهنگن حالده یازیشیچه، اوشبو گروه ترکیبیده «مولانا فضلالرحمان خلیل، مولانا عبدالله شاه مظهر و مولانا ساجد عثمان» بار و اولر طالبان بیلن مذاکره آلیب بارماقده.
طلوعنیوز هم اۉز منبعلریگه تهیهنیب، اوشبو گروه «کابل و اسلام آباد اۉرتهسیدهگی سۉنگگی نزاعلرنی حل قیلیش و ترنگلیکنی کمهیتیریش یۉللرینی کۉریب چیقیش مقصدیده افغانستانگه کېلگن» دېدی.
طالبان و پاکستان رسميلری حاضرچه اوشبو سفر و اونینگ مقصدلرینی تصدیقلهمهگن و اعلان قیلمهگن.
اوشبو سفر طالبان و پاکستان اۉرتهسیدهگی ینگی تۉقنهشوو باشلنگنیدن تخمیناً ایکّی هفته اۉتگن پیتده عملگه آشیریلماقده.
بیرلشگن ملتلر تشکیلاتینینگ خبریگه کۉره، اوشبو تۉقنهشوو افغانستان اوچون جدّي انساني و اقتصادي عاقبتلرگه سبب بۉلگن؛ پاکستان هجوملریده کمیده 185 نفر تینچ اهالی هلاک بۉلگن یاکه یرهلنگن.
