طالبان تامانیدن نشر اېتیلگن معلوماتگه کۉره، تیناوون یکشنبه کونی ۲۴ – حوت، ۹۵ افغانستانلیک مهاجر عایله ایران و پاکستاندن چیقاریلیب، افغانستانگه قیتریلگن.
بو حقده نشر اېتیلگن خبرلرگه کۉره، اوشبو مهاجرلر نیمروز، هرات و قندهار ولایتلرینینگ چېگره یۉللری آرقهلی افغانستانگه قیتریلگن.
دېمک بو مهاجرلر، شوندهی بیرحالده افغانستانگه قیتریلماقده دیر که خلقارا تشکیلاتلر کېنگ کۉلمده مهاجرلر مملکتگه قیتیشی جدی اقتصادی و اجتماعی باسیملرگه سبب بۉلیشینی بیلدیرگن.
اوشبو تشکیلاتلرنینگ خواطر بیلدیریشیچه، افغانستانده ایشسیزلیک و اقتصادی معمالردن جدی بۉلگن بیرحالده، میلیونلب مهاجر قۉشنی مملکتلردن قیتیشی، مملکتدهگی باسیملرنی ینه-ده کۉپهیتیرهدی.
شو بیلن بیرگه، اخیرگی وقتلرده، پاکستان بیلن طالبان اوروشی سبب پاکستاندن تاورلر اینیقسه آزیق-آوقت محصولاتلری آلیب کېلینمسلیگی و ایران هم گواهی بۉلیب تورگن اوروش باعث صادراتینی تۉختهتیب قۉیگنی، افغانستانده اقتصادی معمالرنی ینه-ده جدیلشتیریب، نرخلر آشیشیگه سبب بۉلگن.
