پاکستان یېتکرمهلرینینگ خبر بېریشیچه، خیبر پختونخوا ایالتیده افغانستاندن آتیلگن راکتنینگ بیر اویگه کېلیب توشیشی عاقبتیده بیر عایلهنینگ بېش اعضاسی جان بېرگن.
«خراسان داییری» خبریگه کۉره، بو حادثه خیبر پختونخوا ایالتینینگ باجور تومنیدهگی سالارزی قیشلاغیده صادر بۉلگن و بېش کیشی حیاتدن کۉز یومگن.
جیونیوز هم بو خبرنی نشر قیلگن، بیراق قربانلر سانینی تۉرت کیشی دېب بیلدیرگن.
اوشبو نشرنینگ یازیشیچه، راکت افغانستان طالبانلری تامانیدن آتیلگن.
پاکستان یېتکرمهلری حاضرچه بو واقعه حقیده قۉشیمچه تفصیلاتلرنی نشر قیلمهگن.
سۉنگگی کونلرده پاکستاننینگ افغانستاندهگی اَیریم نشانلرگه اویوشتیرگن هوا هجوملریدن کېین، طالبان بیر نېچه بار پاکستان کوچلریگه قرشی درون هجوملری و چېگره تۉقنهشوولری بۉلگنینی معلوم قیلگن.
