طالبان رمضان هییتی مناسبتی بیلن بو گروهنینگ رهبری هبتالله آخوندزادهگه منسوب پیامنی ترقتدی.
طالبان تامانیدن ترقهتیلگن اوشبو پیامده، طالبان رهبری بو گروهنینگ امر بالمعروف خادملری ایشلرینی آلقیشلهگن و اهالی همده دین عالملریدن بو محتسبلر بیلن همکارلیک قیلیشلرینی طلب قیلگن.
شو بیلن بیرگه، طالبان رهبری اۉز پیامیده، یاشلر عقیدهلری اصلاح اېتیلیشی اوچون مجلسلر اۉتکزیلیشی و بوندن تشقری مسجد بۉلمهگن حدودلرده مسجدلر قوریلیشینی علیحده تاکیدلهگن.
طالبان رهبری شوندهی بیرحالده، یاشلر عقیدهسی اوستیده دقت قیلیب، اۉز توشینچهسی اساسیده یاشلرنی تربیهلشگه اورینماقده دیر که حاضر افغانستانده ایشسیزلیک و آغیر اقتصادی احوال یاش-ییگیتلرنی جدّی باسیملر بیلن یوز مه یوز قیلگن.
عینی حالده، طالبان رهبری اۉز پیامیده چېت اېل مملکتلردن افغانستان ایچکی مسالهلریگه ارهلشمسلیکلری هم سۉرهلگن.
بوندن تشقری طالبان رهبری، بو حاکمیت دنیا مملکلتری بیلن برچه ارزش و قدریتلر نظرده توتیلگن حالده علاقه اۉرنهتیشینی بیلدیرگن.
طالبان رهبری پیامی کۉپینچه اهالی اوستیده باسیملرنی نظرده توتر اېکن، بیراق بو پیامده افغانستان اهالیسی دوچ بۉلیب تورگن اقتصادی وضعیت و پاکستان بیلن بۉلگن اوروش و تارتیشوولر، بازارلرده نرخلر آشیشی و شونگه اوخشش باشقه مهم مسالهلرگه اعتبار قرهتیلگن اېمس.
