خلقارا یېتکیرمهلر تامانیدن نشر اېتیلگن خبرلرگه کۉره، عراق پایتختی بغداد شهریدهگی امریکا قۉشمه ایالتلری اېلچیخانهسیگه قرشی هجوم اویوشتیریلگن.
ایتیلیشیچه اوشبو هجوم بوگون اېرتهلب سهشنبه ۱۷ – مارچ کونی، عملگه آشیریلگن.
هجوملر راکت و درونلر آرقهلی اویوشتیریلگنی معلوم قیلینگن.
ایتیلیشیچه هوایی مدافعه تیزیملری بیر قنچه راکت و درونلرنی اوریب توشیریشگه موفق بۉلگن بیراق بیر قنچه راکت اېلچخانه اطرافیگه توشگنی هم معلوم قیلینگن.
حاضرگچه بو هجوملر زیانلری حقیده تۉلیق تفصیلات بېریلگن اېمس.
ایتیش کېرهک که ایران بیلن امریکا و اسراییلنینگ اوروشی باشلنگنیدن سۉنگ عراقده امریکا اېلچیخانهسی بیر نېچه مرتبه هجومگه اوچرهگن.
ایران خوفسیزلیک کوچلرینینگ اعلام قیلیشیچه، منطقهده امریکاگه تېگیشلی مرکزلرگه قرشی هجوملرینی دوام بېریلهدی.
