پاکستان تامانیدن کابلده امید ناملی معتادلرنی دوالش مرکزیده اویوشتیریلگن قانلی هجوم آرتیدن، طالبان تشقی ایشلر وزیری امیرخان متقی، بو گروهنینگ تورلی مملکتلردهگی اېلچیلری بیلن آنلاین ییغین اۉتکزگن.
طالبان تشقی ایشلر وزیرلیگی تامانیدن نشر اېتیلگن بیاناتگه کۉره، متقی اوشبو ییغینده، بو گروه اېلچیلریدن طالباننینگ مناسبتنی خلقارا تشکیلاتلرگه یېتکزیشلرینی طلب قیلگن.
طالبان تشقی ایشلر وزیری شونینگدېک، پاکستاننینگ بو هجومی خلقارا قانون-قاعدهلرگه ضد اېکنینی هم تاکیدلهگن.
ایتیش کېرهک که اخیرگی کونلر ایچیده، طالبان و پاکستان اۉرتهسیدهگی ترنگلیکلر جدّیلشیب، پاکستان تامانیدن قانلی هجوملر اویوشتیریلدی.
طالبان تامانیدن نشر اېتیلگن معلوماتلرگه کۉره، پاکستاننینگ امید کسلخانهسیگه اویوشتیرگن هجومیده کمیده ۴۰۰ کیشی جان بېریب و ینه ۲۵۰ کیشی یرهلنگن.
اوشبو هجوم کېنگ مقیاسده مناسبتلرنی هم اۉرتهگه آلیب کېلدی.
