طالبان قراری اساسیده، بوگون پنجشنبه حوت آیینینگ ۲۸-، افغانستان بۉیلب رمضان هییتی بیرینچی کونی اعلام اېتیلیب، مملکتده هییت نمازی اۉقیلدی.
دېیرلی طالبان حاکمیتیده بۉلگن افغانستانده، باشقه کۉپلب اسلامی مملکتلردن فرقلی پنجشنبه کونینی رمضان هییتینینگ بیرینچی کونی دېب اعلام قیلگن.
افغانستان سابق حکومت دوریده کۉپینچه هییت و روزه کبی دینی مناسبتلر سعودی عربستانگه اساسا بېلگیلنسه-ده، بیراق طالبان کېلگنیدن بېری بو حاکمیت روزه و هییتنی مستقل حالده اعلام قیلیب کېلماقده.
بو ییل رمضان هییتی سعودی عربستان و تورکی دولتلرده اېرته جمعه کونی باشلهنیشی اعلام قیلینگن.
بوندن تشقری، افغانستان خلقی شوندهی بیرحالده بو ییل رمضان هییتینی کوتیب آلماقده دیر که مملکتده اهالی اقتصادی باسیملر و سیاسی تقدیرسیزلیکلر بیلن دوچ.
شونینگدېک، اخیرگی وقتلرده طالبان و پاکستان اۉرتهسیده باشلنگن اوروش و تۉقنهشوولر همده یقین شرق حدودیدهگی ناتینچیلیکلر، افغانستانده نرخونوا آشیشیگه سبب بۉلیب، اهالینی اقتصادی باسیملرینی ینه-دی آشیرگن.
