افغانستان خبرچیلر مرکزینینگ معلوم قیلیشیچه، « آژانس خبری افغان» خبرچیسی مهدی انصاري بیر یریم ییل طالبلر قماقخانهسیده سقلنگندن سۉنگ آزاد اېتیلگن.
اوشبو مرکز بیاناتیگه کۉره، مهدی انصاري چهارشنبه کونی کېچقورون (۲۷حوت) ساعت تخمیناً ۱۰:۰۰ اطرافیده بگرام قماقخانهسیدن آزاد اېتیلگن و کابلدهگی عایلهسیگه قَیتگن.
افغانستان خبرچیلر مرکزی مهدی انصارینینگ آزاد اېتیلیشینی آلقیشلب، طالبلرنی اونی بیر یریم ییل دوامیده حبسده سقلش آرقهلی اونینگ کسبي و انساني اساسي حقوقلرینی جدّي روشده بوزگنینی تأکیدلهدی.
شونینگدېک مرکزنینگ قۉشیمچه قیلیشیچه، «اوشبو ژورنالیست مستقل وکیل مدافع یاردمیسیز و عدالتسیز طرزده محکمه قیلینیب، قماق جزاسیگه حکم قیلیندی. کېینچهلیک اېسه، او قماقده بۉلگن پیتده، اونینگ مجبوري اقرارلیک ویدیوسی استخبارات تامانیدن نشر قیلیندی.»
مهدی انصاري ۱۴۰۳ییل۱۴ مېزان کونی ایشخانهسیدن قَیتهیاتگنیده کابل نینگ پول خشک منطقهسیده طالبلر استخباراتی تامانیدن حبسگه آلینگن.
او ۱۴۰۳-ییل۱۲جدی کونی کابلدهگی طالبلر باشلنغیچ محکمهسی تامانیدن «اسلامي امیرلیککه قرشی ترغیبات قیلیش» عیبی بیلن بیر یریم ییل قماق جزاسیگه حکم قیلینگن.
