پاکستان تشقی ایشلر وزیری و بو مملکت باش وزیرینینگ اۉرین باسری محمد اسحاقدارنینگ اعلام قیلیشیچه، پاکستان تامانیدن افغانستانده اویوشتیریلگن حربی عملیاتلر، تروریزمگه قرشی استراتیژینینگ بیر بۉلیمی اېدی.
بو حقده نشر اېتیلگن خبرلرگه کۉره، پاکستان تشقی ایشلر وزیری پاکستان طالبان تحریکی و بلوچستان آزادلیک گروهیگه قرشی عملیاتلر دوام اېتیشینی هم تاکیدلهگن.
شونینگدېک، پاکستان تشقی ایشلر وزیری مذکور ایکّی گروهنی پاکستان خوفسیزلیگیگه قرشی هندوستاننینگ فتنهسی دېب ادعا قیلگن.
ایتیش کېرهک که اۉتگن هفتهلر دوامیده، پاکستان افغانستاننینگ کابل شامل ایریم ولایتلریده قانلی هجوملرنی اویوشتیردی.
طالباننینگ ادعا قیلیشیچه، بو هجوملر عاقبتیده تینچ اهالی قربان بۉلگن. پاکستان حکومتی اېسه بو هجوملرده طالباننینگ حربی مرکزلری و ترورچیلر نشانگه توتیلگنینی ایتهدی.
