طالبان نظارتیدهگی یېتکیرمهلرنینگ خبر بېریشیچه، افغانستان جنوبی حدودیده جایلشگن هلمند ولایتیده بیر اوینینگ تامی قولهشی اهالیدن قربانلیک آلگن.
بو حقده نشر اېتیلگن خبرلرگه کۉره، اوشبو واقعه نتیجهسیده اوچ کیشی جان بېریب و ینه آلتی کیشی یرهلنگن.
ایتیلیشیچه واقعه، یاغینگرچیلیک سبب بوگون اېرتهلب ساعت ۴:۰۰ یوز بېرگن.
حادثه، هلمند ولایتینینگ سنگین اولسواللیگیگه قرهشلی «کاریز امانالله» ناملی منطقهده یوز بېرگن.
واقعهده قربان بۉلگنلر آرهسیده بالهلر و عیاللر بارلیگی هم معلوم قیلینگن.
ایتیش کېرهک که بوندن ایلگری هم افغانستاننینگ تورلی حدودلریده شوندهی واقعهلر یوز بېریب، اهالیدن قربانلیک آلگن اېدی.
