بیرلشگن ملتلر تشکیلاتینینگ انسانپرورلیک یاردملرنی موافقلشتیریش اداره (اوچا) افغانستانده «باشپناه، یېر و یشش جایلری ساحهسیدهگی موافقلشتیریلگن جواب چارهسی» دستوریده۱۵۳ میلیون دالر مقداریده مبلغ یېتیشمسلیگینی معلوم قیلدی.
اوچا بیاناتیگه کۉره، بوگون (چهارشنبه، ۴-سنبله) اوشبو دستور اوچون جاري ییلده۱۶۰ میلیون دالر مبلغ سۉرهلگن، بیراق حاضرگچه اونینگ اتیگی۴.۷فایزی تأمینلنگن.
بیرلشگن ملتلر تشکیلاتینینگ انسانپرورلیک یاردملرنی موافقلشتیریش ادارهسی خوفسیز باشپناهگه بۉلگن احتیاجنی اساسي احتیاجلردن بیری دېب بهالب، «انسانیت اوچون حرکت» قیلیشگه چقیردی.
سۉنگّی ییللرده امریکا قۉشمه ایالتلرینینگ افغانستانگه مالیوي یاردملرینی تۉختهتیشی آرتیدن مملکتدهگی انسانپرورلیک یاردم دستورلری دایمي روشده جدّي مبلغ یېتیشماوچیلیگیگه دوچ کېلماقده.
انسانپرور تشکیلاتلر مبلغ یېتیشمسلیگی و اونینگ عاقبتلریدن بیر نېچه بار خواطر بیلدیرگن همده دولتلرنی کۉپراق یاردم کۉرسهتیشگه چقیرگن.
