جاپان تودینینگ خبر بېریشیچه، توکیودهگی امپریال(امپراتور) سرایینینگ عادتده چېکلنگن حدودی شنبه کونی خلق اوچون آچیلدی. چمهسی 500 کیشی اېرته تانگدن سکورا گللرینی کۉریش اوچون نوبتده توریشدی.
اوشبو یۉل تۉقیز کون دوامیده آچیق بۉلهدی. امپراتور سرایی آژانسیگه کۉره، یاغاچلر چهارشنبه اطرافیده تۉلیق گللش حالتی کوتیلهدی. چمهسی 750 متر اوزونلیکدهگی «اینوی» کۉچهسیگه کیریش ییلیگه ایکّی مرته- سکورا گللری و کوزگی یپراقلر موسومیده رخصت بېریلهدی.
بو یېرنی کۉریش اوچون آلدیندن رویخطدن اۉتیش شرط اېمس، کۉروچیلر اېسه ساعت 09:00 دن تا 15:30گچه حدودده سیر قیلیشلری ممکن.
اوشبو یۉلکه جماعتچیلیککه آچیلیشینی 2014 ییلده سابق امپراتور آکیهیتو بیر ییل اول نشانلنگن 80 ییللیگی مناسبتی بیلن باشلهگن اېدی.
