بیرلشگن ملتلر تشکیلاتی بالهلرنی حمایهلش جمغرمهسی ینه بیربار افغانستانده قیزلر تعلیمی اوچون رخصت بېریلیب، قیزلرگه یوزیگه مکتب اېشیکلری آچیلیشینی سۉرهگن.
بو مسالهنی یونیسفنینگ منطقوی باشقیرووچیسی سانجی ویجسکرا اۉزینینگ ایکس صحیفهسیده یازگن بیاناتده، طلب قیلگن.
ویجسکرا بو حقده شوندهی دېب یازگن: «مکتب باشلهنیشی هر بیر باله اوچون امید بغیشلشی کېرهک. افغانستانده قیزلر اوزاق وقت کوتیب قالیشگن. اېندی مکتب اېشیکلرینی ینه آچیش وقتی کېلدی چونکه امید، قدر-قیمت و کېلهجک تعلیم بیلن باشلنهدی.»
ایتیش کېرهک که بوندن ایلگری هم یونیسف و باشقه خلقارا تشکیلاتلر طالباندن قیزلرنی اۉقیشی برابریدهگی چېکلاولرنی بېکار قیلیشنی سۉرهگن.
طالبان اېسه، بو طلبلرگه تَن بېرمهی افغانستان بۉیلب قیزلرنی همان مکتب و اۉقیشدن محرومیتده سقلب کېلماقده دیر.
طالباننینگ بو قراری، افغانستان ایچیده همده چېتاېل مملکتلریده هم کېنگ تنقیدلرنی اۉرتهگه آلیب کېلگن.
بو شوندی بیرحالده دیر که، افغانستانده بو ییل هم ینگی اۉقوو ییلی قیزلر حضوریسیز باشلندی.
