اروپا اتفاقینینگ افغانستاندهگی نمایندهلیگی اوشبو اتفاق افغانستانده کوچهیگن تۉقنهشوولر و زلزله عاقبتیده کۉچیریلگن کیشیلرگه یاردم کۉرسهتیش اوچون۲۵۰ مینگ یورو اجرهتگنینی معلوم قیلدی.
مذکور نمایندهلیک بوگون (پنجشنبه، ۶حمل) نشر قیلگن بیاناتیده اوشبو مبلغ آرقهلی خۉست، کنر، ننگرهار، نورستان، پکتیکا و پکتیا ولایتلریده تخمیناً۷۰مینگ کیشیگه یاردم بېریلیشی ایتیلگن.
اروپا اتفاقی نمایندهلیگی اوشبو مبلغ بیلن افغانستان قیزیل یریم آی جمعیتی احتیاجمند آدملرگه آزیق-طعام یاردمی، نقد پول، طبي خدمتلر، تازه ایچیملیک سووی خدمتلری و باشقه ضروري خدمتلرنی کۉرسهتیشینی بیلدیرگن.
شونینگدېک، اوشبو یاردم دایرهسیده کۉچیریلگنلر اوچون وقتینچهلیک باشپناه تشکیل اېتیش هم قۉللب-قوّتلنیشی ایتیلگن.
نمایندهلیک بو مبلغ خلقارا قیزیل خاچ و قیزیل یریم آی فدراسیونسی نینگ طبيعي آفتلرگه جواب بېریش بۉییچه فوق العاده جمغرمهسیگه عمومي یاردم نینگ بیر قِسمی اېکنینی هم تأکیدلهگن.
طالبان و پاکستان اۉرتهسیدهگی تۉقنهشوولر همده اۉتگن ییل کنر ولایتیده یوز بېرگن زلزله سببلی افغانستان شرقیده مینگلب آدملر اۉز اوی-جایی و باشپناهسیدن اَیریلیب، کۉچیشگه مجبور بۉلگن.
