بیرلشگن ملتلر تشکیلاتیدهگی افغانستان نمایندهلیگی نینگ سرپرستی نصیراحمد فایق، طالبان تامانیدن 6-صنفدن یوقاری قیزلرنینگ تعلیم آلیشینی منع قیلیش قرارینی «ملي خیانت و توزهتیب بۉلمهیدیگن ضرر» دېب اتهدی.
جناب فایق افغانستانده ینگی اۉقوو ییلی باشلنیشی مناسبتی بیلن اجتماعی ترماغیده یازگن پُستیده شوندهی دېگن: «بېشینچی ییلدیرکی، طالبان انساني تمایللرگه، اسلامي قدریتلرگه و شریعت حکملریگه ضد روشده افغانستاندهگی اۉرته و عالي تعلیم مؤسسهلرینینگ اېشیکلرینی قیزلر و عیاللر اوچون یاپیق حالده سقلب کېلماقده.»
اونینگ قۉشیمچه قیلیشیچه: «بو قرار اۉزینی طالبان یاکه علم ایزلاوچیلر دېب اتهیدیگن گروه رهبریتی تامانیدن قبول قیلینگن بۉلسه-ده، عملده اسلام دینینینگ آبروسیزلنتیریلیشیگه، افغانستان خلقیگه دشمنلیککه، جهالت و ظلمتنینگ دوام اېتیشیگه همده حاضرگی بحراننینگ چوقورلشیشیگه آلیب کېلماقده.»
بیرلشگن ملتلر تشکیلاتیدهگی افغانستان، نمایندهلیگی سرپرستی شونینگدېک، اوشبو سیاستلر قشّاقلیکنی کوچهیتیرهیاتگنینی و افغانستاننینگ قۉشنی دولتلر همده خلقارا همجمعیتگه قرهملیگینی آرتتیرهیاتگنینی تأکیدلهگن.
