اوشبو دستور، سرپل ولایتی اخبارات و مدنیت باشقرمهسینینگ جماعت کتابخانهسی رهبرلیگیده و نورالمدارس جامعهسی و بلغلی قیشلاغینینگ مدني فعال یاشلری همکارلیگیده تشکیل اېتیلیب، اونده علمالر، اۉقیتووچیلر، طلبهلر و یاشلر اشتراک اېتگن اېدی. تدبیر دوامیده کتاب مطالعهسی و تعلیمنینگ اهمیتی بۉییچه تأکیدلندی.
مفتی بسمالله جویا دیني و زمانهوي بیلیملرنی بیرگهلیکده اۉرگنیش ضرورلیگینی قید اېتیب، یاشلرنی موجود تعلیم امکانیتلریدن فایدهلنیشگه چقیردی. شونینگدېک، اَیریم اشتراکچیلر مقالهلر اۉقیب، شعرلر اجرا اېتیب، دستورگه ینه-ده فیض بغیشلهدیلر.
سرپل جماعت کتابخانهسی باشلیغی بسمالله ادیب اوشبو دستوردن کۉزلنگن مقصد یاشلرنینگ فکري صلاحیتینی آشیریش و اولرنی تعلیمگه جلب قیلیش دېیه معلوم قیلیب، یاشلر کتابخانهنی «ایکّینچی اوی» صفتیده قبول قیلیشلرینی اورغولهدی.
شو بیلن بیرگه، سرپل اخبارات و مدنیت باشقرمهسینینگ باشلیغی الحاج ملا عبدالغفار حقنما بوندهی دستورلر یاشلرنینگ کېلهجگیگه سرمایه صفتیده عمل قیلیشینی قید قیلیب، اولرنی قۉللب-قوّتلش دوام اېتیشینی تأکیدلهدی.
