پیانو کونی(Piano Day )، خلقارا گلوبل بیر تدبیر دیر. اوشبو تدبیر بیر گروه همفکر کیشیلر تمانیدن اساس سالیندی. پیانو کونی، ییل نینگ 88نچی کونی نشانلنهدی. اوشبو سنه پیانونینگ 88ته تکمهسیگه بېلگی بېرهدی. 2015 ییلیده تشکیل اېتیلگن اوشبو تدبیر حاضرده بوتون دنیا بۉیلب تانیقلی و مشهور دیر. هر ییلی او مخصوص کانسرتلر (صحنه و آنلاین)، شونینگدېک رادیو دستورلری، پادکستلر و پلی لیستلرنی تشکیل اېتیشگه تورتکی بېرهدی.
پیانو تخمینا 1700 ییللری اطرافیده ایتالیا نینگ پادوا شهریدن بۉلگن بارتولومئو کریستوفوری (1731-1655) تامانیدن اختراع قیلینگن. کریستوفوری “مدیچی” عایلهسیده چالغولرنی سقلاووچی صفتیده ایشلهگن. او، هرپیستورددهگی دینامیک نظارت یېتیشمسلیگینی برطرف اېتیش اوچون پیانونی یرهتدی. او، بالقهچه مکانیزیمنی یرهتیشی بیلن یومشاق (پیانو) و یوکسک (فورتی Forte) تاووشلرنی چیقاریش امکانینی بېردی.
پیانو تورلری اکوستیک، دیجیتال و هایبرید پیانو تورلری، اولچم، تون/آهنگ و توزیلیشی بیلن اجرهلیب تورهدی. دنیا بۉیلب اېنگ مشهور و اېنگ کۉپ ایشلتیلهدیگن پیانو تورلری؛ گرند پیانو و دیجیتال پیانو دیر. اېنگ مشهور پیانوچیلر اېیسه فرانس لیست، بیتهووین، سیرگی رکمانیناف، موزارت، کلره شومن، ولادیمیر هوروویتز و باشقهلر. کلره شومن، ماریا ژائو پیریس، مارتا آرگریچ، یوژا وانگ، هلن گریمو و باشقهلر کلاسیک و مدرن خاتین پیانوچیلردن دیر.
