افغانستان پایتختی کابل شهریده، طالبان تشقی ایشلر وزیرلیگی میزبانلیگیده، بوگون یکشنبه ۱۶ – حمل، «افغانستان و مرکزی آسیا مصلحتلشوو ییغینی» بۉلیب اوتدی.
ییغینده، طالبان تشقی ایشلر وزیری امیرخان متقی، بو گروه داعش و مخدره مادهلرگه قرشی کورهشیش اوچون اونملی آدیملر کوتارگنینی ادعا قیلگن.
متقی شونینگدېک، داعش همده مخدره مادهلر قاچاقی کبی چیگرهوی جنایتلر افغانستان و مرکزی آسیانینگ مشترک خواطری دیر.
شو بیلن بیرگه، بو ییغینده باشقه سیاسی، اقتصادی و خوفسیزلیک مسالهلری هم محاکمه قیلینگن.
ییغینده، اۉزبېکستان تشقی ایشلر وزیرلیگینینگ اۉرین باسری بابر عثمانوف هم نطق سۉزلب، افغانستاننینگ ترانزیت و اقتصادی قوتی حقیده تۉختهلیب اۉتگنۉ.
اۉزبېکستانلیک بو مقام، افغانستان منطقهدهگی ایکّی میلیارد جمعیتنی بیر-بیری بیلن باغلش اوچون ترانزیت ظرفیتگه ایگه اېکنینی تیلگه آلیب، اۉزبېکستان حکومتی «افغان-ترانس» لایحهسینینگ عملی ایشلرینی باشلش اوچون تیارلیک کۉرهیاتگنینی اعلام قیلگن.
ایتیش کېرهک که بو ییغین اخیرگی ییللر دوامیده، طالبان حاکمیتیده بۉلگن افغانستان اۉتکزیلگن آزسانلی سیاسی ییغینلردن بیری دیر که اونگه اۉزبېکستان، قزاقستان، قرغیزستان، تورکمنستان و تاجکستان وکیللری اشتراک اېتگن.
