طالبلر صنعت و تجارت وزیرلیگی مذکور وزیرلیک سرپرستی نورالدین عزیزی، قیرغیزستاننینگ تشقی ایشلر وزیرلیگی اۉرین باسری تورسینقلاف بیلن اوچرهشگنیدن خبر بېردی.
طالبلر صنعت و تجارت وزیرلیگی تامانیدن نشر اېتیلگن بیاناتده، اوشبو اوچرهشووده ایکّی تامانلمه مناسبتلر خصوصیده فکر المشتیریلیب، افغانستان و قیرغیزستان اۉرتهسیده سودا حجمی بیر میلیارد دالرگه یېتیشیشی حقیده تاکیدلنگنینی بیلدیریلگن.
بیاناتده کېلیشیچه: «اوشبو اوچرهشووده ایکّی تامان اخیرگی ییللرده افغانستان و قیرغیزستان اۉرتهسیدهگی تجارت حجمینینگ آشیشیدن خرسندچیلیک بیلدیردی و سودا المهشیش درجهسینی بیر میلیارد دالرگه یېتکزیش مهملیگینی تأکیدلهدی.»
شونینگدېک طالبان صنعت و تجارت وزیری، قیرغیزستاندن بو مملکتنینگ قوریلیش ساحهسیده افغانستانلیک ایشچیلردن فایدهلنیشنی هم طلب قیلگن.
ایتیش کېرهک که قیرغیزستان تشقی ایشلر وزیرلیگی اۉرین باسری، کابلده اۉتکزیلگن افغانستان و مرکزی آسیا مصلحتی اوچرهشوویده، اشتراک اېتیش مقصدیده، کابلگه سفر قیلگن.
