«پولیوسیزافغانستان» صحیفهسینینگ خبر بېریشیچه، مملکتده پولیوگه قرشی اېملش کمپناینی اېرتهگه (دوشنبه، ۲۴حمل) ۳۱ ولایتده باشلنهدی.
اوشبو صحیفه ایکس اجتماعی ترماغیده یازیشیچه، کمپاین غور ولایتیده بیر هفتهدن کېین اۉتکزیلهدی، دایکندی و بامیان ولایتلریده اېسه ساووق آب-هوا سببلی کېچیکتیریلگن.
شو بیلن بیرگه، سرپل ولایتیده طالبان محلی رسمیلری بو ولایتده پولیوگه قرشی اېملش کمپاینی محلی رسمیلری و قوم بویوکلری حضوریده اۉتکزیلگن بیر احتفال آرقهلی باشلنگنینی معلوم قیلدی.
طالبان ساغلیقنی سقلش وزیرلیگی هم اوشبو کمپاین ۳ کون دوام اېتیشینی و اونده ۵ یاشگچه بۉلگن ۱۲.۶میلیون باله اېملنیشینی معلوم قیلگن.
بو افغانستانده ۱۴۰۵-ییلدهگی پولیوگه قرشی بیرینچی اېملش کمپاینی دیر.
حاضرده افغانستان و پاکستان دنیاده پولیو (بالهلر فلجی) بوتونلهی یۉق قیلینمهگن یگانه ایکّی دولت حسابلنهدی.
۲۰۲۵-ییلده افغانستانده پولیونینگ ۹ ته ایجابي حالتی قید اېتیلگن اېدی، اما جاري ییلده حاضرگچه ینگی حالتلر حقیده خبر بېریلمهگن.
