فاریاب ولایتیده طالبان نظارتیدهگی دولت بیلیم یورتی، بیر بیانات یازیب قیزیل تاقّی اۉزبېکلردن اېمس بلکه منظوریاندن دېب ادعا قیلگن.
فاریاب بیلیم یورتی بو خصوصده یازگن بیاناتنی پشتو و فارس تیللریده ترقهتیب، اۉزبېکلرنینگ بو مدنیتنی تَن آلمهگن.
اوشبو بیانات اېسه تنقیدلرگه سبب بۉلیب، ایریم فعاللر فاریاب بیلیم یورتی اۉزبېکلر مدنیتی حقیده فکر بیلدیرر اېکن بیرینچی بۉلیب، بو ولایت خلقینینگ تیلیده حرمت کۉرسهتیب یازیشگه دقت اېتیشینی تاکیدلهگن.
طالبان نظارتیدهگی فاریاب بیلیم یورتی بیاناتیده شوندهی دېب یازیلگن: «نظرده توتیلگن مدنیت، منظوریلر، اولرنینگ پیروانلری و مغرض شخصلرگه تېگیشلی دیر و اۉزبېکلرگه تېگیشلی اېمس.»
بو ادعا شوندی بیرحالده دیر که اۉتکن کونلر دوامیده، بو خصوصده اۉنلب استادلر و مدنیت ساحهسیده کوچلی بیلیمگه ایگه سیمالر فکر بیلدیریب، تاقّینینگ تاریخی و قیسی مدنیتگه تېگیشلی بۉلگنینی بیلدیردی.
ایتیش کېرهک که کابل بیلیم یورتیده یوز بېرگن واقعه آرتیدن، طالبان عالی اۉقوو وزیری جواب بېریشگه تیار بۉلمهدی و بونی اۉرنیده، منبعلرنینگ ایتیشیچه، بیلیم یورتلردهگی اۉقیتووچیلر اینیقسه اۉزبېکلرنی مناسبت بیلدیریب شوندهی واقعهنی رد اېتیشگه مجبورلنتیرگن.
