امریکا قوشمه ایالتلرینینگ کالیفرنیا ایالتیدهگی افغانستانلیک تورکلر جماعهسی سکرمنتو شهریده ناراضیلیک بیر ییغین اۉتکزیب، یقینده کابل بیلیم یورتیده یوز بېرگن واقعه خصوصیده اۉز خواطر و ناراضیلیکلرینی بیلدیردی.
اولر، کابل بیلیم یورتیده طالبان عالی اۉقوو وزیری ندامحمد ندیمنینگ اۉزبېک طلبهگه نسبتن یاندهشوویدن تنقید قیلگن.
شونینگدېک، اولر افغانستانده اۉزبېکلرنینگ تیل، مدنیت و تاریخی سیمالریگه ضد بۉلگن حرکتلر عاقبتیدن هم خواطر بیلدیرگن.
ژورنالیست جمالناصر فرهمند تامانیدن نشر اېتیلگن معلوماتده ایتیلیشیچه، اوشبو ییغینده خلقمیزنینگ تانیقلی شاعر و تیلشناسی محمدعالم لبیب نطق سۉزلب، اۉزبېک تیلی و مدنیتیگه نسبتن طالبان حرکتلرینی اسلامی و ملی قدریتلرگه قرشی اېکنینی بیلدیرگن.
ایتیش کېرهک که طالبان عالی اۉقوو وزیرینینگ اخیرگی حرکتی کینگ ناراضلیکلرگه سبب بۉلیب و مناسبتلر دوام اېتماقده دیر.
