امریکا قوشمه ایالتلری و ایران اسلامی جمهوریتینینگ یوقاری مرتبهلی رسمیلری پاکستان پایتختی اسلامآباد شهریده، موفقیتسیز بیر مذاکرهنی اۉتکزگنی آرتیدن، اوشبو مذاکره قیته اۉتکزیلیشی ممکنلیگی حقیده امیدلر بیلدیریلماقده.
بوحقده بۉلگن امیدلر دوامیده، بیرلشگن ملتلر تشکیلاتینینگ باش کاتبی آنتونیو گوتریش، شوندهی بیر مذاکره اۉتکزیلیشی کتّه احتمال بیلن موجود دېب اعلام قیلگن.
گوترش بو مسالهنی ژورنالیستلر بیلن بۉلگن صحبتیده تیلگه آلیب، امریکا و ایران اۉرتهسیدهگی آغیر کېلیشماوچیلیکلر بیر دور مذاکرهده حل اېتیلیشی کوتیلمسلیگینی بیلدیردی.
او شونینگدېک، مذاکره دوام اېتیب تارتیشوولر یکونلنیشی ممکن اېکنینی هم اورغولهگن.
بو شوندی بیرحالده دیر که بوندن آلدین خلقارا یېتکیرمهلر هم دیپلوماتیک منبعلر معلوماتیگه تهینیب، مذاکره باشلنیشی احتمالی بارلیگینی معلوم قیلگن اېدی.
بو امیدلر شوندهی بیرحالده دیر که امریکا، ایرانگه قرشی باسیملری آرتیده دینگیز قمهلی عملیاتینی هم عملگه آشیرماقده دیر.
