افغانستانلیک بیر قنچه انسان حقلری فعاللری امریکا قۉشمه ایالتلری بیرینچی خانمی ملانیا ترمپگه آچیق مکتوب یۉللب، اوندن افغانستان عیاللری احوالی خصوصیده اعتبار قرهتیشینی سۉرهگن.
اوشبو آچیق مکتوب، چمهسی ۱۰۰ فعال تامانیدن تیارلنیب، ترمپنینگ تورموش اۉرتاغیگه یوباریلگن.
مکتوبده، امریکا قۉشمه ایالتلری بیرینچی خانمیدن اۉز تاثیریدن فایدهلنیب افغانستان عیاللری احوالی یخشیلنیشی اوچون سعیوحرکت قیلیشی طلب قیلینگن.
شونینگدېک، مکتوبده افغانستانده عیاللرنینگ آغیر احوالی خصوصیده هم آگاهلنتیریلگن.
ملانیا ترمپگه یوباریلگن بو مکتوبده، افغانستاننینگ حاضرگی شرایطیده خاتین-قیزلر داکترلر، اۉقیتووچی و ژورنالیست بۉلیش کبی آرزولریدن اوزاقلشیب بارهیاتگنی تاکیدلنگن.
عینی حالده، افغانستانلیک بو فعاللر مکتوبیده، دنیاده دوام اېتیب تورگن اۉزگریشلر افغانستان عیاللری احوالی اونوتیلیشیگه سبب بۉلمسلیگینی هم اورغولهگن.
بو شوندی بیرحالده دیر که طالبان بېش ییلدن بیری عیاللرگه نسبتن باسیملر و چېکلاولرنی کوچهیتیریب اولرنی عادی حقلریدن محروم قیلگن.
