طالبلرنینگ «مهاجرلر معمالرینی حل قیلیش کمیسیونی»نینگ معلوم قیلیشیچه، تیناوون (سهشنبه،۲۵ حمل) تۉرت مینگ۸۶۷ نفر مهاجر پاکستان و ایراندن چیقریلیب، افغانستانگه قَیتگن.
کمیسیون خبریگه کۉره، اولرنینگ تۉرت مینگ۵۳۱ نفری پاکستاندن، ینه۳۳۶نفری اېسه اېراندن دېپورت قیلینیب، افغانستانگه کیریب کېلگن.
«مهاجرلر معمالرینی حل قیلیش کمیسیون» بو شخصلر تورخم، سپین بولدک، اسلام قلعه و پول ابریشم چېگره اۉتیش بندرلری آرقهلی مملکتگه کیرگنینی بیلدیرگن.
سۉنگگی هفتهلرده پاکستان و ایراندن افغانستانلیک مهاجرلرنی چیقریب یوباریش کېسکین درجهده آشگن.
پاکستاندن مهاجرلرنینگ چیقریلیشی ایکّی دولت اۉرتهسیدهگی چېگرهلر یاپیق بۉلگن بیر پیتده عملگه آشیریلماقده و فقط دېپورت قیلینگن مهاجرلرگینه چېگرهدن اۉتیش حقوقیگه اېگه.
ایراندن افغانستانلیک مهاجرلرنی چیقریش هم او یېردهگی اوروش جریانیده دوام اېتماقده، بیراق اوروشدن آلدینگی دورگه نسبتاً بیرآز کمهیگن.
