امریکا قۉشمه ایالتلری جمهور رییسی دونالد ترامپ، «فاکسنیوز» بیلن بۉلگن مصاحبهسیده ایران بیلن اوروش یکونیگه یقینلشگنینی ایتدی.
اوشبو صحبتده ماریو بارتیمورو اوندن اوروش توگهگن-توگهمهگنینی سۉرهگنیده، ترامپ شوندهی دېدی: «مېنیمچه، او یکونیگه یقین. مېن اونی جوده یقین دېب حسابلهیمن.»
ترامپ حلی تۉلیق اېفیرگه اوزهتیلمهگن بو صحبتیده ینه بیر بار ایرانگه هجومنی آقلب، شوندهی دېدی: «مېن ارهلشیشگه مجبور بۉلدیم، چونکه اگر بونی قیلمهگنیمده، حاضر ایران هسته قورالیگه اېگه بۉلردی.»
امریکا قۉشمه ایالتلری و اسرایلنینگ ایرانگه قرشی اوروشی آلتی هفته دوام اېتگچ، ایکّی هفتهلیک صلح اعلان قیلینیشی بیلن حاضرچه تۉختهتیلگن.
صلح دن سۉنگ امریکا واسرایل اوروشنی یکونلش مسألهسیده اسلام آباد، پاکستانده مذاکرهلر اۉتکزدی، بیراق بو مذاکرهلر کېلیشووسیز یکونلندی.
دانهلد ترامپ تیناوون «نیویورکپست» بېرگن بیاناتیده، تامانلر اۉرتهسیدهگی مذاکرهلر یقین ایکّی کون ایچیده ینه پاکستانده قَیته باشلنیشی ممکنلیگینی ایتدی.
حاضرچه ایران رسميلری امریکا بیلن اوروشنینگ توگهشی یاکه مذاکرهلرنینگ قَیته باشلهنیشی حقیده ایضاح بېرمهگن.
