پاکستان تشقی ایشلر وزیرلیگینینگ سۉزلاوچیسی طاهر اندرابی، طالبان بو مملکتگه یازوولی و عملی خوفسیزلیک کفالتلرینی بېریشی ضرور دېب بیلدیردی.
اندرابی اۉتکزگن خبری بیر ییغینده ایتیشیچه، اوشبو کفالت اساسیده، طالبان افغانستان حدودیدن باشقه مملکتلرگه قرشی ایش آلینیشی اوچون رخصت بېرمسلیگی کېرهک.
شو بیلن بیرگه، پاکستان تشقی ایشلر وزیرلیگی سۉزلاوچیسی بو مملکت، چیننینگ اورومچی حدودیده دوام اېتیب تورگن پاکستان و طالبان وکیللرینینگ مذاکرهلری نتیجهسینی کوتهیاتگنینی هم اعلام قیلدی.
ایتیش کېرهک که طالبان و پاکستان وکیللری ایکّی هفتهدن بیری، چینده مذاکره اۉتکزماقده بیراق حاضرگچه بو مذاکرهلر نتیجهسی خصوصیده هیچ قندهی تفصیلات بېریلگن اېمس.
بو شوندی بیرحالده دیر که طالبان و پاکستان اۉرتهسیده چمهسی بیر آیلیک کینگ اوروش و تۉقنهشوولر یوزلب کیشی اۉلیب و یرهلنیشیگه سبب بۉلدی.
