اۉزبېکستاننینگ سِردریا ولایتیده تشلب کېتیلگن ۵۰ کیلوگرامگه یقین مخدره ماده تاپیلگنی حقیده خبر بېریلدی.
قلمپیر.اۉز اخبارات آژانسی تامانیدن نشر اېتیلگن خبرگه کۉره، بو مخدره ماده سِردریا ولایتینینگ «بېش اریق» تومنیدن تاپیلگن.
اوشبو مقداردهگی مخدره مادهلر قیسی تامانیدن تشلب کېتیلگن اېکن و حاضرگچه اېگهسی بیللی اېمس.
بوحقده نشر اېتیلگن خبرده، واقعه بۉییچه جنایی ایشی قۉزغهتیلگنی و گمانلاوچیلر قیدیریلیب تورگنی بیلدیریلگن.
بو واقعه شوندی بیرحالده یوز بېرماقده دیر که اخیرگی وقتلرده، افغانستاندن اۉزبېکستانگه مخدره مادهلرنی قاچاق اېتیش حالتلری کۉپهیگن.
اخیرگی وقتلر ایچیده، کچالو و قازان ایچیده جایلشتیریلیب، افغانستاندن اۉزبېکستانگه مخدره ماده تاشیلهیاتگنی خبر قیلینگن اېدی.
