طالبلر ایچکی ایشلر وزیرلیگینینگ معلوم قیلیشیچه، اوشبو وزیرلیکنینگ مخدر مادّهلرگه قرشی کورهش بۉییچه معاونی باشچیلیگیدهگی هیئت اۉزبېکستانگه جۉنهب کېتگن.
وزیرلیک مطبوعات سۉزلاوچیسی عبدالمتین قانع ایکس اجتماعی ترماغیده یازیشیچه، هیئت خلقارا «مخدر مادّهلر خوفی» موضوعسیدهگی انجمنده اشتراک اېتیش اوچون اۉزبېکستانگه بارگن.
اونینگ قۉشیمچه قیلیشیچه، اوشبو کنفراس دوشنبه کونی باشلنهدی و اونده گلوبل مقیاسدهگی گیاهوند مادّهلر تهدیدلری همده بو ساحهده همکارلیکنی کوچهیتیریش یۉللری محاکمه قیلینهدی.
طالبان افغانستانده قَیته حاکمیتگه کېلگنیدن سۉنگ کۉکنار یېتیشتیریشنی دېیرلی نالگه توشیرگنینی و مخدر مادّهلر ایشلب چیقریش همده قاچاقیگه قرشی کورهشهیاتگنینی دعوا قیلیب کېلهدی.
بیراق بیرلشگن ملتلر تشکیلاتینینگ مخدر مادّهلر و جنایتچیلیک بۉییچه باشقرمهسی حساباتلریگه کۉره، کۉکنار یېتیشتیریش کمهیگن بۉلسه-ده، افغانستانده صنعی نرکوتیکلر ایشلب چیقریش آرتیب بارماقده.
