تورکیهنینگ پایتختی انقره شهریده شانلی و علمی بیر احتفال اۉتکزیلیب، صاحبقران حضرت امیر تېمورنینگ توغیلگن کونی ۶۹۰ -نچی ییللیگی نشانلندی.
احتفال، اۉز-تورکستان و تورپاو انجمنلری تشبثی بیلن اۉتکزیلگن بۉلیب، احتفالده فعاللر، تاریخ بیلیمدانلری، عیاللر و بیلیملی سیمالر اشتراک اېتگن.
اوشبو ییغینده نطق سۉزلهگن شخصلر تېموریلر سلالهسینینگ اساسچیسی و تاریخنینگ ییریک سیمالریدن بۉلمیش حضرت امیر تېمور حیاتی و بویوک میراثی حقیده بیلگی بېرگنلر.
بوندن تشقری، احتفال دایرهسیده پنل اۉتکزیلیب، بویوک بابامیزنینگ حیاتی و میراثی محاکمه قیلینگن.
شونینگدېک، احتفال اۉزبېک صنعتکارلریدن بیری عبدالعزیزنینگ یاقیملی دف اجراسی کبی فرهنگی کۉرسهتوولر بیلن هم دوام اېتگن.
ایتیش کېرهک که ۹ – اپریل حضرت امیر تېمورنینگ توغیلگن کونی طنطنهلی نشانلنیب کېلماقده. بو ییل اۉزبېکستان حکومتی قراری اساسیده، اپریل آیی «امیر تیمور آیی» دېب اعلام قیلینگن.
