طالبان فواید عامه وزیرلیگینینگ اعلام قیلیشیچه، افغانستاننینگ تېمیر-یۉللری آرقهلی سودا تاورلریدن عبارت بۉلگن یوکلرنی تشیش میزانی ۳۹.۱ فایز آشگن.
بو وزیرلیک تامانیدن نشر اېتیلگن معلوماتگه کۉره، اۉتگن قویاش ییلی دوامیده ۶.۱ میلیون متریک تُن یوک مملکت تېمیر یۉللری آرقهلی تشیلگن.
وزیرلیک ادعاسیگه کۉره، بو رقم بوندن بیر ییل ایلگری ۴.۳ میلیون متریک تُندن عبارت بۉلگن که بو اېسه اخیرگی بیر ییل ایچیده، تېمیر-یۉللر آرقهلی یوکتشیش حجمی سیزیلرلی درجهده آشگنینی کۉرستهدی.
اوشبو یوکلر، حیرتان، آقینه، خواف-هرات و تورغندی یۉللری آرقهلی تشیلگن.
ایتیش کېرهک که افغانستان اخیرگی ییللر دوامیده، مرکزی آسیا مملکتلری بیلن بۉلگن سودا تاورلرینی تېمیر-یۉللری آرقهلی تشیشگه اورینماقده.
