طالبان صنعت و تجارت وزیری نورالدین عزیزی، رسمی تشریف بیلن اۉزبېکستان سفر قیلگنی اعلام قیلیندی.
طالبان صنعت و تجارت وزیرلیگی تامانیدن نشر اېتیلگن بیاناتگه کۉره، اوشبو گروهنینگ بو مقامی، اۉزبېکستانده اۉتکزیلیشی ریجهلشتیریلگن ییریک بیر صنعت کۉرگزمهسیده اشتراک اېتیش مقصدیده، بو مملکتگه سفر قیلگن.
شو بیلن بیرگه، طالبان صنعت و تجارت وزیرلیگی اۉزبېکستان میزبانلیگیده صنعت و تکنالوژی ساحهسیده خلقارا بیر کۉزگزمه اۉتکزیلیب، بو کۉرگزمهده اۉرته آسیا مملکتلری قۉشیمچه روسیه و بلاوروس هم اشتراک اېتیشی معلوم قیلینگن.
ایتیلیشیچه، بو کۉرگزمه مملکتلر اۉرتهسیده صنعت و تکنالوژی ساحهسیده همکارلیکلرنی آشیریش و بو خصوصده سرمایه کیریتیش یۉللرینی اۉرگنیش مقصدیده اۉتکزیلهدی.
کۉرگزمهده، افغانستان تامانیدن هم ۶۰ کمپنی اشتراک اېتگنینی معلوم قیلگن طالبان صنعت و تجارت وزیرلیگی.
