طالبلرنینگ جوزجان ولایتیدهگی امنیه قوماندانلیگینینگ خبر بېریشیچه، ولایت مرکزیده بیر عیال اېری تامانیدن اۉلدیریلگن.
طالبلرنینگ جوزجان ولایتی امنیه قوماندانلیگی سۉزلاوچیسی عبدالستار حلیمينینگ ایتیشیچه، بو عیال تیناوون یکشنبه، ۳۰-حمل شبرغان شهری «مصرآباد» حدودیدهگی اوییده اېری تامانیدن پیچاقلهنیب اۉلدیریلگن.
اونینگ قۉشیمچه قیلیشیچه، طالبان پولیس کوچلری عیال نینگ اېرینی حبسگه آلگن.
جوزجان امنیه قوماندانلیگی مطبوعات سۉزلاوچیسی بو قاتللیک سببینی «ناموس بیلن باغلیق مسألهلر» دېب تعریفلهگن و ینه بیر اېرکک هم «ناقانوني علاقه»ده گمان قیلینیب حبسگه آلینگنینی بیلدیرگن.
افغانستانده طالبان حاکمیتگه قَیتگنیدن بېری عیاللرگه نسبتاً قاتللیک حالتلری سېزیلرلی درجهده آشگنی ایتیلماقده.
کۉپلب عیال قاتللیکلری سببی صفتیده عایلهوي زۉروانلیک کۉرسهتیلماقده.
عایلهوي زۉروانلیک و عیاللر اۉلدیریلیشینینگ آشیشی اېسه جدّي خواطرلرنی کېلتیریب چیقرماقده.
