«افغانستان آزادلیک جبههسی»نینگ ایتیشیچه، اونینگ کوچلری تامانیدن لوگر ولایتیده طالباننینگ بیر نظارت پُستهسیگه قیلینگن هجومده اوشبو گروهنینگ ایکّی اعضاسی اۉلدیریلگن و ینه ایکّی اعضاسی یرهلنگن.
اوشبو جبهه بوگون (سهشنبه،۱ ثور) نشر قیلگن بیاناتیده معلوم قیلیشیچه، هجوم یکشنبه کېچهسی ساعت تخمیناً۹:۳۰ده، لوگر ولایتی مرکزی بۉلگن پول علم شهرینینگ بیرینچی ناحیهسی «کابل بندری» حدودیده عملگه آشیریلگن.
«افغانستان آزادلیک جبههسی» بو هجومنی لوگر ولایتیده طالبانگه قرشی اۉز کوچلری تامانیدن عملگه آشیریلگن ایلک هجوم دېب دعوا قیلگن.
مذکور جبهه اوشبو هجومده اۉز کوچلری آرهسیدهگی احتمالي یۉقاتیشلر حقیده معلومات بېرمهگن.
لوگر ولایتیدهگی طالباننینگ محلي مسووللری حاضرچه بو هجوم یوزهسیدن ایضاح بېرمهگن.
