بدخشان ولایتی راغستان یۉلیده قار کۉچیشی عاقبتیده بو ولایت کوفآب تومنی یشاوچیلریدن تۉرت کیشی جان بېرگن.
بدخشان امنیه قوماندانلیگی اخبارات ادارهسینینگ ایتیشیچه، بو کیشیلر ایشلش مقصدیده راغستان اولسواللیگی تامان باره یاتگن پیتیده «آقوبه ساله» منطقهسیده قار کۉچیشی آستیده قالیب جانلرینی قۉلدن بېرگنلر.
مذکور اداره تامانیدن ترقهلگن خبرگه کۉره، بو واقعه اوچ کون آلدین یوزبېرگن و قربان بۉلگنلرنینگ جسدلری بوگون (چهارشنبه، ۲ ثور) قار آستیدن چیقاریلگن.
بدخشان ولایتی، افغانستان نینگ تاغلری کۉپ بۉلگن ولایتلریدن بیری بۉلیب، هر ییل قیش فصلیده کۉپلب طبیعی واقعهلر اینیقسه قار کۉچیشگه گواه بۉلهدی.
