طالبلرنینگ میدان وردک ولایتی حاکمی ادارهسینینگ معلوم قیلیشیچه، جغتو اولسواللیگیده بیر اوینینگ تامی قولهب توشیشی عاقبتیده ایکّی عیال جان بېرگن.
ولایت حاکمی ادارهسی بیاناتیده ایتیلیشیچه، حادثه کېچه چهارشنبه، ۲-ثور صادر بۉلگن و قربانلر۱۵همده۲۲یاشده بۉلگن.
اداره اوشبو اوی تامینینگ قولهشیگه کوچلی یاغینگرچیلیک سبب بۉلگنینی بیلدیرگن.
جاري هجري-شمسي ییل دوامیده مملکتده کوچلی یاغینگرچیلیکلر عاقبتیده تورلی ولایتلرده اوی تاملری قولهب توشیشی سببلی کۉپلب اۉلیم حالتلری قید اېتیلگن.
طالباننینگ طبيعي آفتلرگه قرشی کورهش باشقرمهسی معلوماتیگه کۉره، اۉتگن آی مملکت بۉیلب کمیده۱۷۹ کیشی طبيعي آفتلر، جملهدن اوی تاملری قولهشلری عاقبتیده اۉلگنلر.
