بریتانيانینگ افغانستان بۉییچه مخصوص وکیلی نمایندهسی ریچارد لیندسی خلق ارا مطبوعات اېرکینلیگی کونی مناسبتی بیلن افغانستان ژورنالیستلری آغیر شرایطلرده اۉزلری نینگ مهم ایشلرینی دوام اېتتیرهیاتگنینی ایتدی.
او بوگون یکشنبه، ۱۳-ثور ایکس اجتماعی ترماغیده نشر قیلگن پُستیده، ژورنالیستلر افغانستان خلقینینگ تشویشلری و منفعتلرینی یاریتیب بېرهیاتگنینی همده اېنگ کۉپ احتیاجگه اېگه بۉلگن انسانلرنینگ آوازیگه ایلنهیاتگنینی تأکیدلهدی.
اۉتگن هفته کابلده بیر قطار افغانستان ژورنالیستلری بیلن اوچرهشگن بریتانيا نمایندهسی سۉز اېرکینلیگینینگ اهمیتیگه علیحده اورغو بېردی.
شو بیلن بیرگه، طالبان افغانستان اوستیدن قَیته نظارتنی قۉلگه آلگنیدن سۉنگ، مملکتده یېتکرمه و ژورنالیستلر فعالیتیگه کېنگ قمراولی چېکلاولر جاري اېتگن.
مذکور گروه بیر نېچه بار یېتکرمه ادارهلریگه باستیریب کیرگن، ژورنالیستلر و میدیا خادملرینی حبسگه آلگن همده اَیریم یېتکرمهلر فعالیتینی تۉختهتگن.
