طالبلرنینگ فراه ولایتیده امنیه قوماندانلیگی بیر گزارش آرقهلی ایتیشیچه، اوشبو ولایت مرکزیده یوزبېرگن ترافیک واقعهده تۉرت کیشی جان بېرگن.
فراه ولایتی امنیه قوماندانلیگینینگ سۉزلاوچیسی کلیمالله ننگیالنینگ ایتیشیچه، اوشبو واقعه بوگون (دوشنبه، ۱۴ ثور) توشدن سۉنگ مذکور ولایت مرکزی «دېک فروش» منطقهسیده یوزبېرگن.
اونینگ تاکیدلشیچه، بو واقعه بیر موتر سایکل یوک تشووچی مازدا رسوملی موتر بیلن تۉقنهشووی عاقبتیده یوزبېرگن، نتیجهده موترسایکلنی مینگن تۉرت کیشی جان بېرگن.
اوشبو واقعه هیداوچیلرنینگ احتیاط سیزلیگی سبب یۉز بېرگنی ایتیلهدی.
دېمک، سۉنگی کونلرده مملکت کۉپلب ولایتلریده ترافیک واقعهلری میزانی آشگن، خودی شو کوننی اۉزیده ترافیکحادثهسی طفیلی ۷ کیشی جانلرینی قۉلدن بېرگنلر.
