چین عامهوي اخبارات واسطهلرینینگ خبر بېریشیچه، مملکت مرکزیدهگی هونان شهریده آتش بازلیک محصولاتلری ایشلب چیقرووچی فابریکه ده یوز بېرگن پارتلش عاقبتیده کمیده۲۶ کیشی جان بېرگن و۶۰دن آرتیق آدم جراحت آلگن.
شینهوا خبرگزارلیگی معلوماتیگه کۉره، پارتلش تیناوون (دوشنبه، ۱۴-ثور) محلي وقت بیلن ساعت۴:۴۳ اطرافیده «لیویانگ» شهریدهگی «هواشنگ» ناملی آتش بازلیک محصولاتلرینی ایشلب چیقریش و نمایش کارخانهسیده صادر بۉلگن.
گزارشلرده ایتیلیشیچه،۴۸۰دن آرتیق قوتقرووچی بېش گروهگه بۉلینیب قوتقروو ایشلریگه جلب قیلینگن، شونینگدېک اوچته قوتقروو روباتی هم جایلشتیریلگن.
شینهوانینگ یازیشیچه، پارتلش جایی «قاره باروت» سهقلنهدیگن ایکّی انبارگه یقین بۉلگنی سببلی، فوق العاده خدمتلر اطرافدهگی اهالینی تخلیه قیلگن و ایکّیلمچی پارتلشلرنینگ آلدینی آلیش اوچون خوفسیزلیک زونی تشکیل اېتگن.
بوگون اېرتهلب (سهشنبه، ۱۵ثور) ساعت۸:۰۰ گچه قوتقرووچیلر بیرینچی باسقیچدهگی قیدیروو-قوتقروو ایشلرینی یکونلهگن و ایکّینچی باسقیچ دوام اېتماقده.
چین پولیسی شرکت مسوولینی حبسگه آلگن و پارتلش سببلری حاضرچه تېکشیروو آستیده اېکنی ایتیلماقده.
