پاکستان باش وزیری شهباز شریف، ایران نامینی تیلگه آلمهگن حالده، بیرلشگن عرب امیرلیکلریدهگی ناحربی آستقورمهلرگه قیلینگن «راکت و درون هجوملری»نی کېسکین قارهلهدی.
پاکستان باش وزیری بوگون (سهشنبه، ۱۵ثور) ایکس اجتماعی ترماغیده یازگن پُستیده محمد بن زاید آل نهیان بیلن همجهتلیک بیلدیرگن.
اونینگ ینه قۉشیمچه قیلیشیچه، «پاکستان اوشبو آغیر دورده امیرلیکدهگی ایناغه و آپه-سینگیللریمیز همده بیرلشگن عرب امیرلیکلری حکومتی بیلن قطعي بیرگه تورهدی.»
پاکستان باش وزیرینینگ تأکیدلشیچه، «آتش کېسیمنی سقلش و اونگه رعایه قیلیش مطلقا ضرور، چونکه بو دیپلوماتیک ملاقات اوچون ضرور محیط یرهتهدی و منطقهده برقرار تینچلیک همده برقرارلیککه آلیب کېلهدی.»
بیرلشگن عرب امیرلیکلری مدافعه وزیرلیگی تیناوون معلوم قیلیشیچه، هوا مدافعهسی مملکت حدودي سوولری اوستیده اوچیریلگن اوچته راکتنی توتیب قالگن، تۉرتینچی راکت اېسه دېنگیزگه قولهگن.
بیرلشگن عرب امیرلیگی رسميلری شونینگدېک، فجیرهدهگی تاسیسات درون هجومی نتیجهسیده یانغین چیققنینی بیلدیرگن.
عین حالده، ایران بیر حربي بلند مرتبهلی رسمیسی مملکتنینگ امیرلیکلرگه هجوم قیلیش رېجهسی بۉلمهگنینی ایتگن. تهران اېسه بو هجوم بۉییچه جوابگرلیکنی حاضرچه نه تصدیقلهگن، نه انکار قیلگن.
