فاریاب ولایتیده طالبان محلی رسمیلری معلوماتیگه اساسلنیب نشر اېتیلگن خبرلرگه کۉره، بو ولایتده دېوار نورهب توشیشی عاقبتیده بیر کیشی جان بېرگن.
اوشبو واقعه فاریاب ولایتینینگ بندر اولسواللیگیده یوز بېرگن.
ایتیلیشیچه مذکور شخص، بو اولسواللیکده دوکانلرنی بوزهیاتگن پیتیده جان بېرگن.
نشر اېتیلگن معلوماتلرده، بندر اولسواللیگی اهالیسی بیر قنچه دوکانلرنی یۉللرنی کینگهیتیریش مقصدیده بوزهیاتگنی قید اېتیلگن.
بو واقعهده جان بېرگن ایشچی کېملیگی حقیده آرتیقچه تفصیلات بېریلگن اېمس.
ایتیش کېرهک که افغانستانده تورلی محنت ساحهلریده ایشچیلر خوفسیزلیگی اوچون کېرهک مسالهلر نظرده توتیلمهگنی سبب، ایریم حالتلرده اۉلیملی واقعهلر یوز بېرهدی.
