«نت بلاکس» اینترنت اولنیشینی کوزهتووچی تشکیلات ایراننینگ اینترنتگه کیریشی حاضر 70-کونیگه یېتگنینی معلوم قیلدی.
اوشبو تشکیلات بوگون (جمعه، ۱۸-ثور) بیلدیرگن معلوماتگه کۉره،۱۶۵۶ساعت اۉتگن بۉلسه هم ایرانده اینترنت هنوز اوزیلگن حالتده قالماقده.
«نت بلاکس» اینترنتگه کیریش و رقملی علاقهنی بحران پیتلریده حیاتي اهمیتگه اېگه دېب بهالب، اونینگ چېکلنیشی معلوللر، طلبهلر، کیچیک بیزنسلر و عادي اهالی کبی اېنگ کۉپ احتیاجمند گروهلرگه ضرر یېتکزیشینی تأکیدلهدی.
ایران 28-فبروری کونی، امریکا قۉشمه ایالتلری و اسرایل تامانیدن باشلنگن هجوملر جریاینده، خلقارا اینترنتگه کیریشنی تۉختهتگن اېدی.
اېران رسميلری اېسه اینترنت اوزیلیشی مملکت ملی خوفسیزلیک کېنگشی قرار اساسیده، خوفسیزلیک سببلریگه کۉره عملگه آشیریلگنینی بیلدیرگن.
اوّل هم ایران اوروشلر و کۉچه نمایشلری پیتیده اینترنتنی وقتینچه چېکلهگن، اما حاضرگی اوزیلیش تاریخدهگی اېنگ اوزاق دوام اېتگن حالت صفتیده بهالنماقده.
