امیر تېمور کۉرگاننینگ توغیلگنینینگ ۶۹۰-ییللیگی مناسبتی بیلن امریکا قۉشمه ایالتلرینینگ جورجیا ایالتیده کتّه بیر مراسم اۉتکزیلدی.
آمریکانینگ جورجیا ایالتیده بویوک سیاستچی، فاتح، قلم و قیلیچ اربابی صاحبقران امیر تېمور کۉرگان توغیلگنینینگ ۶۹۰ییللیگی طنطنهلی محفل اۉتکزیلیشی بیلن ایسلندی.
مذکور محفل جورجیا ایالتده یشاوچی اۉزبېک و ترکمنلر اویشمهسینینگ تشبثی بیلن یۉلگه قۉییلدی .
اوشبو ییغینده دنیانینگ تورلی ملتلریدن مهمانلر شونینگدیک آمریکا ویرجینیا ایالتدن تانیقلی صنعت کار استاد خیرمحمد چاووش و حرمتلی محمد ذاکربیگ همده اروپادن حرمتلی استاد محمد شفیع عظیمی و باشقه کۉپلب مهمانلر اشتراک قیلدیلر.
اشتراکچیلر تېموریلر دوریدهگی غلبهلر، قوریلیشلر، معمارلیکلر، تعلیم و تربیت رواجلهنیشی تۉغریسیده آلیب باریلگن سعی وحرکتلر بارهسیده صحبتلر قیلدیلر.
شونینگدیک اوشبو مراسمده چیقیش قیلیب نطق سۉزلهگن، غیبتالله سادات امریکا و اروپانینگ تورلی مملکتلریدن تشریف کېلتیرگن مهمانلرنی خوش کېلیب سیزلر دېب، امریکادیک مملکتده یرهتیلگن دموکراتیک فضاده بویوک شخصیتلرنی نشانلش و مدنی همده فرهنگی دستورلرنی اۉتکزیش اوچون دېیرلی فایدهلهنیشگه تاکیدلهدی.
شونینگ او، بوندهی ییغیلیشلر تیل و مدنیتنی سقلب اونی رواجلنتیریش اوچون ضرور اېکنلیگی بارهسیده علیحده تاکیدلهگن.
عین حالده اوشبو محفلده تانیقلی صنعتکار حرمتلی استاد خیر محمد چاووش مذکور ییغیلیش حقیده صحبت قیلیب و اونینگ اهمیتی تیل و مدنیتیمیزنینگ کوچکهیتیریش اوچون کۉپ ضرور و حیاتی دېدی.
شونینگدیک حضرت تېمورنینگ توغیلگن کونیگه بغیشلهنیب اۉتکزیلگن ییغین خیرمحمد چاووش و باشقه صنعتچیلرنینگ چیرایلی قۉشیقلر کویلهشی بیلن اۉز پایانیگه یېتدی.
منو
