امریکا قۉشمه ایالتلرینینگ جمهور رییسی دونالد ترامپ ونزوئلا خریطهسینی امریکا بیراغی بیلن قاپلنگن حالتده نشر قیلیب، اونی «51-ایالت» دېب اتهدی.
ترامپ سهشنبه آقشامی (22 ثور) اوشبو تصویرنی اۉزینینگ تروثسوشیال اکونتیده جایلشتیریب، اوستیگه «ایالت 51» دېب یازگن.
بوندن ایکّی کون آلدین فاکس نیوز خبرچیسی و باشلاوچیسی جان رابېرتس امریکا جمهور رییسی « ونزوئلا 51-ایالت صفتیده امریکاگه قۉشیب آلیش بۉییچه جدّي کۉریب چیقهیاتگنینی» خبر قیلگن اېدی.
ونزوئلا موقت جمهور رییسی دلسی رودریگز «ونزوئلا مستملکه اېمس، بلکه اېرکین دولت دیر و اونی امریکا نینگ 51-ایالتیگه ایلنتیریش رېجهسی یۉق»، دېب بیانات بېردی.
ترامپ اۉتگن ییلی هم کانادانی امریکانینگ 51-ایالتی صفتیده قۉشیب آلیش حقیده گپیریب، اۉشه دولت باش وزیرینی «فرماندار» دېب اتهگن اېدی.
او شونینگدېک، امریکا ملي خوفسیزلیگینی تأمینلش اوچون گرینلندنی حربي کوچ بیلن اېگهللشگه هم تیارلیگینی بیر نېچه بار بیلدیرگن.
کنادا و اروپا دولتلرینینگ کېسکین ناراضیلیگیدن سۉنگ ترامپ کانادا و گرینلند حقیدهگی محاکمهلرنی تۉختهتگن، کېینچهلیک اېسه ونزوئلا جمهور رییسی نیکولاس مادورو حبسگه آلیش عملیاتینی باشلهگن و بیرآز اۉتیب ایران هجومیگه هم اۉتگن
منو
