امریکا قوشمه ایالتلرینینگ بیر قنچه یېتکیرمهلری علیحده نشر قیلگن خبرلریده، امریکا ینه بیربار ایرانگه قرشی حربی هجوم باشلهشی ممکنلیگینی بیلدیرگن.
اوشبو خبرلر، امریکا حکومتینینگ رسمیلری اینیقسه بو مملکت جمهور باشلیغی دونالد ترمپگه اساسلنیب نشر اېتیلگن.
امریکا جمهور باشلیغی «اکسیوس» نشری بیلن بۉلگن تلیفونی صحبتده آگاهلنتیریشیچه، ایران اوچون وقت توگهماقده و اگرده بیران کېلیشوو اۉرتهگه کېلمسه بو مملکت ینه حربی گزینهنی اوستیده اویلهشی ممکن.
سیانان هم سونگّی کونلرده ترمپ حکومتی تامانیدن ایرانگه قرشی حربی تَنلاو اوستیده جدّی بحث اېتیلهیاتگنی حقیده خبر بېرگن.
نشر اېتیلگن خبرلرنی بیلدیریشیچه، امریکا جمهور باشلیغی اېرته سهشنبه کونی ایرانگه قرشی حربی تَنلاودن ایش آلیش خصوصیده بو مملکت رسمیلری بیلن مجلس اۉتکزیشی هم رېجهلشتیریلگن.
ایتیش کېرهک که حاضر امریکا و ایران اۉرتهسیده آتیش-کېسین دوام اېتماقده و ایکّی تامان اوروشنی بوتونلهی تۉختهتیش اوچون بیران کېلیشووگه قۉل تاپگن اېمس.
