افغانستان انسان حقلری فعاللرینینگ بیرلشمهسی بیر بیانات ترقهتیب، طالباننینگ دیپلوماتیک هیاتی اروپاگه چقیریلیشی خصوصیده آگاهلنتیردی.
اوشبو بیرلشمه، بروکسلده مهاجرلر مسالهسی بۉییچه طالبلر نمایندهلری چقیریلیب ییغین اۉتکزیلیشی ممکن دېگن خبرلرگه مناسبت بیلدیرر اېکن، بوندهی قرار ترورچیلیکنی قۉللب-قوتلش، اروپا خوفسیزلیگیگه سلبی تاثیر کۉرسهتیشینی یازگن.
افغانستان انسان حقلری فعاللری اۉز بیاناتیده، ترورچی گروهلر بیلن هر قندهی کېلیشوو و علاقه اۉرنهتیش شخصی جرملرگه نسبتن آغیر عاقبتلرگه سبب بۉلیشینی بیلدیریب، اروپا اتفاقیدن بوندهی استراتیژیک خطاگه یۉل قۉیمسلیگینی سۉرهگن.
شو بیلن بیرگه، بیاناتده طالبلر وکیللری اروپاگه چقیریلیشی بو گروه اوچون نسبی مشروعیت بېریش و اروپانینگ انسانپرورلیک قرهشلریگه ضد اېکنی هم بیلدیریلگن.
عینی حالده، افغانستان انسان حقلری فعاللری بیرلشمهسی، بوندهی قرار بیرلشگن ملتلر تشکیلاتی خوفسیزلیک کېنگشینینگ قانون-قاعدهلری همده ترورچیلیکنی قۉللب-قۉتلمسلیک بۉییچه بۉلگن دولتلر مجبوریتلریگه ضد دېب تاکیدلنگن.
بو شوندهی بیرحالده دیر که یقینده، طالبان وکیللری حضوریده بروکسلده ییغین اۉتکزیلیشی احتمالی حقیده خبرلر نشر اېتیلدی.
