طالبان نظارتیدهگی افغانستان احصاییه و معلومات ادارهسی بوگون چهارشنبه، ۱۳ – جوزا، ترقهتگن بیاناتیده قویاش جاری ییلینینگ بیرینچی ایکّی آییده بېش مینگ و ۷۵۶ چېتاېللیک افغانستانگه کیریب، چیققنی قید اېتیلگنیدن خبر بېردی.
اوشبو اداره تامانیدن نشر اېتیلگن معلوماتگه کۉره، حمل و ثور آیلری دوامیده ایکّی مینگ و ۹۹۵ چېتاېللیک افغانستانگه کېلگن و شو مدت ایچیده ایکّی ۷۶۱ کیشی افغانستاندن چیقیب کېتگن.
طالبان احصاییه و معلومات ادارهسی، ایکّی آی ایچیده افغانستانگه کېلگن چېتاېللیکلر ایچیده ۱۰۸ عیال و چیقیب کېتگنلر ایچیده اېسه ۷۴ عیال بار اېکن.
طالبان اوشبو ادارهسی، چېتاېللیکلر جملهسیدن ۳۷۰ کیشی افغانستان تاریخی مکانلرینی سیاحت قیلیش مقصدیده و قالگنلر اېسه ایش بیلن افغانستانگه کېلیب، کېتگنینی بیلدیرگن.
بو شوندهی بیرحالده دیر که کۉپلب مملکتلر، طالبان حاکمیتیده بۉلگن افغانستانگه سفر قیلیش خوفلی بۉلگنینی اعلام قیلیب، اۉز وطنداشلرینی بو سفردن آگالنتیرگن.
