اسرائیل باش وزیری بنیامین نتانیاهونینگ ایتیشیچه، ایرانگه قرشی امریکا و اسرائیلنینگ اوروشلری حاضرگچه یکونلنمهگن.
الجزیره ترماغی (چهارشنبه، ۱۳ جوزا) بیر گزارش آرقهلی ایتیشیچه، نتانیاهو منطقهده اوروش دوام تاپیشی خصوصیدهگی سۉزلریده «تهران تۉقنهشوولر نتیجهسیده کوچسیزلنیب قالگنینی» تیلگه آلگن.
اونینگ تاکیدلشیچه، هر ایکّی کونده بیر مرته دونالد ترامپ بیلن سۉزلشهدی و ایکّی تامان اۉرتهسیده بیران پیت «تاکتیکی قرمه – قرشیلیک» لر تاپیلهدی، بیراق بو قرشیلیکلر نهایتده حل اېتیلهدی.
اسرائیل باش وزیرینینگ ایتیشیچه، ایریم قرشیلیکلر بۉلگنده هم ایکّی تامان اۉرتهسیده همکارلیک و هماهنگلیکلر دوام اېتماقده.
بو بیاناتلر، ترقلگن خبرلرگه کۉره، دونالد ترامپ دیپلماتیک تیلفون علاقهسیده بنیامین نتانیاهونی لبنان باشکېنتی بیروتنی بمباردمان قیلیش بیلن تهدید قیلگنی اوچون کېسکین تنقید قیلگنیدن سۉنگ تیلگه آلینگن.
